انجمن تاجران کراچی نے شہرقائد میں میں آج سے مارکیٹیں رات دیر تک کھولنے کا اعلان کردیا۔ انجمن تاجران کے صدر جاوید شمس کے مطابق آج 10ویں روزے سے چاند رات تک تمام مارکیٹوں کے اوقات میں اضافہ کیا جارہا ہے۔
انجمن تاجران کراچی کے صدر جاوید شمس نے اپنے بیان میں کہا کہ عید کی خریداری کے کیے شہرکے تمام بازار اور شاپنگ سینٹرز رات دیرتک کھلے رہیں گے۔
جاوید شمس نے کہا کہ امن وامان کی بہتر صورتحال کی وجہ سے شہریوں کا خریداری کے لیے بازاروں میں رش بڑھنے لگا جو خوش آئند ہے۔ انہوں نے مزید کہا کہ مارکیٹوں کے قریب پولیس نفری میں اضافہ کیاجائے تاکہ عوام اور تاجر پُرسکون ماحول میں عید شاپنگ کر سکیں۔
جاوید شمس نے کہا کہ تمام مارکیٹوں میں انجمن تاجران کراچی کے ذمہ داران موجود ہیں اورانتظامیہ کے ساتھ مل کر عوام کی رہنمائی کریں گے۔
واضح رہے گزشتہ 2 سالوں سے کورونا کے باعث مارکیٹوں، بازاروں اور شاپنگ سینٹرز کے اوقات محدود تھے جبکہ شاپنگ کیلئے آنے والوں کیلئے مختلف ہدایات پر عمل کرنا بھی ضروری تھا۔ لیکن اب کورونا صورتحال بہتر ہونے پر ملک بھی میں پابندیاں ختم کی جاچکی ہیں جبکہ شہرقائد میں امن و امان کی صورتحال میں بہتری آئی ہے۔
