پاکستان میں سیاسی عدم استحکام نے ملکی معیشیت کو داؤ پر لگادیا۔ امریکی ڈالر کی قدر میں آج بھی کاروبار کے آغاز کے ساتھ اضافہ شروع ہوگیا۔
عالمی مالیاتی ادارے (آئی ایم ایف) سے معاہدے کے باوجود ڈالر کی قدر میں مسلسل اضافہ ہورہا ہے۔ انٹر بینک میں آج کاروبار کے آغاز سے اب تک ڈالر 5 روپے 80 پیسے مہنگا ہوچکا ہے۔
انٹربینک میں ڈالر 221 روپے میں ٹریڈ ہورہا ہے جو پاکستان کی تاریخ میں ایک ڈالر کی بلندترین سطح ہے۔ اوپن مارکیٹ میں ڈالر کی قیمت 221 روپے سے بھی تجاوز کرچکی ہے۔
واضح رہے گزشتہ روز بھی ڈالر کی قدر میں 4 روپے 25 پیسے اضافہ ہوا تھا اور کاروبار کے اختتام پر ایک ڈالر کی قیمت 215 روپے 20 پیسے تھی۔
ماہرین کے مطابق پنجاب میں پی ٹی آئی کےضمنی الیکشن جیتا ہے جبکہ اسوقت مرکز میں پی ڈی ایم کی حکومت ہے، سرمایہ کار اس وقت محتاط ہیں کہ موجودہ حکومت چلتی رہے گی یا نئی حکومت آئے گی جسکے باعث ڈالر کی قدر میں اضافہ ہورہا ہے۔
ماہرین کے مطابق ڈالر کی قدر میں اضافے سے پاکستان کے گردشی قرضوں میں بھی اضافہ ہورہا ہے جسکے باعث ملکی شدید دباؤ کا شکار ہے۔
