الیکشن کمیشن نے عام انتخابات 2024 کیلئے امیدواروں کی حتمی فہرست جاری کردی۔ شہرقائد کی قومی اور صوبائی اسمبلی کی 47 نشستوں پر 2 ہزار سے زائد امیدوار انتخابات میں حصہ لیں گے۔
الیکشن کمیشن کی جاری کردہ تفصیلات کے مطابق کراچی میں قومی اور صوبائی اسمبلی کیلئے مختلف جماعتوں اور آزاد امیدوار سمیت مجموعی طور پر 2 ہزار 37 امیدوار قسمت آزمائیں گے۔
قومی اسمبلی کی 22 نشستوں پر 584 جبکہ سندھ اسمبلی کی 47 نشستوں پر 1 ہزار 453 امیدوار الیکشن لڑیں گے۔ حتمی فہرستیں الیکشن کمیشن کی جانب سے تعینات کردہ ریٹرننگ آفیسرز کی جانب سے جاری کی گئی ہیں۔
الیکشن کمیشن کے مطابق کراچی میں قومی اسمبلی کے حلقہ این ھے 229 پر 15 امیدوار میدان میں ہیں۔ این 230 پر 25 امیدوار جبکہ این اے 231 پر 26 امیدوار حصہ لے رہے ہیں۔
این اے 232 میں 38 امیدوار، این اے 233 پر 29 امیدوار، این اے 234 پر امیدوار، این اے 235 میں 24 امیدوار، این اے 236 پر 35 امیدوار، این اے 237 پر 38 امیدوار اور این اے 238 پر 25 امیدوار حصہ لیں گے۔
این اے 239 پر 19 امیدوار، این اے 240 میں 19 امیدوار، این اے 241 پر 38، این اے 242 پر 29 امیدوار، این اے 244 پر 24 امیدوار، این اے 245 پر 24 امیدوار، این اے 246 پر 24 امیدوار، این اے 247 پر 27 امیدوار، این اے 248 میں 34 امیدوار، این اے 249 پر 27 امیدوار اور این اے 250 میں 26 امیدوار الیکشن لڑیں گے۔
