ڈاکٹر محمد بن عبدالکریم العیسیٰ نے مسجد نمرہ میں حج 1443 ھ کا خطبہ دیا۔ خطبہ حج کے دوران میدان عرفات میں روح پرور مناظر دیکھے گئے۔
ڈاکٹر محمد بن عبدالکریم العیسیٰ نے کہا کہ اللہ سے ڈرنے میں ہی کامیابی ہے، دنیا کے مسلمانوں اللہ سے ڈرو اور ڈرتے رہو، مصیبت اور تکليفوں کو اللہ کے علاوہ کوئی دور نہيں کرتا۔
ڈاکٹر محمد بن عبدالکریم العیسیٰ نے یہ بھی کہا کہ اللہ سے ڈرنے ميں ہی کاميابی ہے، نماز قائم کرو، مسلمانوں اللہ سے ڈرو،يقين کرو اللہ تعالیٰ ڈرنے والوں کیساتھ ہے، اللہ ہی اکيلا معبود ہے، اس ہی کی عبادت کريں۔
انہوں نے کہا کہ لڑائی جھگڑے سے بچ کر ہی حج کامیاب ہوسکتا ہے، آخرت میں کامیابی بھی صرف اللہ کو ایک ماننے پر ہوگی، سب سے بڑی نعمت توحید کی ہے۔
خطبہ حج میں یہ بھی کہا گیا کہ اللہ ہی اکيلا معبود ہے، اس ہی کی عبادت کريں، مسلمانوں اللہ تعالیٰ سے ڈرو، مسلمانوں اللہ سے ڈرو، يقين کرو اللہ تعالیٰ ڈرنے والوں کیساتھ ہے، اللہ سے ڈرنے ميں ہی کاميابی ہے، مصیبت اور تکليفوں کو اللہ کے علاوہ کوئی دور نہيں کرتا، دنیا کے مسلمانوں اللہ سے ڈرو اور ڈرتے رہو۔ اللہ تعالیٰ تمہیں رہنمائی عطا فرمائیں گے۔
ڈاکٹر محمد بن عبدالکریم عیسی نے کہا کہ اللہ نے انسانوں کو اپنی عبادت کے لیے پیدا کیا، اللہ تعالیٰ نے فرمایا اس نے زمین اور آسمان کو 6 دن میں تخلیق کیا، اللہ نے فرمایا اپنے نفس کا تزکیہ کرو اور تقویٰ اختیار کرو۔
اللہ نے رسول اللہﷺ کو آخری نبیﷺ بنا کربھیجا، اللہ کی کتاب قرآن مجید دیگر آسمانی کتابوں کی تصدیق کرتی ہے، اللہ نے قرآن میں فرمایا تم پر حج فرض ہے، رسول اللہ ﷺنے فرمایا ہر معاملے میں حکمت سے کام لو۔
خطبہ حج میں کہا گیا کہ اللہ نے والدین کے ساتھ بھلائی کا راستہ اختیار کرنے کا حکم دیا، اسلام بھائی چارے اور اخوت کا درس دیتا ہے، اللہ کا حکم ہے کہ والدین کے بعد رشتے داروں سے اچھا رویہ اختیار کرو، بہترین انسان وہ ہے جو خیر کی راہ پر گامزن ہو۔
امت کو چاہیے ایک دوسرے سے شفقت کا معاملہ رکھے، اللہ کی رحمت احسان کرنے والوں کے قریب ہے، اللہ کا فرمان ہے جو بندہ اپنے نفس پر ظلم کرتا ہے تو اس کے لیے توبہ کا دروازہ کھلا ہے۔
انہوں نے کہا کہ اللہ کے سوا انسان کی مصیبت کوئی دور نہیں کرسکتا، قرآن پاک میں اللہ کا فرمان ہے کسی عربی کو عجمی پر اور عجمی کو عربی پر کوئی فوقیت نہیں، قرآن پاک میں اللہ کا فرمان ہے کالا گورے سے افضل ہے نہ گورا کالے سے۔
انہوں نے کہا کہ اللہ کا فرمان ہے جب بھی مجھے پکاروگے اپنے قریب ہی پاؤ گے، اللہ کا فرمان ہے انسان ہو یا جانور، سب سے رحمت کا معاملہ کرو، اللہ نے فرمایا اپنے رب کی ایسے عبادت کرو جیسے اللہ تمہیں دیکھ رہا ہے، اللہ نے فرمایا میرے سوا کسی سے نہ ڈرو، اللہ نے قرآن میں فرمایا اس نے انسان کو بہترین انداز میں پیدا کیا۔
خطبہ حج میں ڈاکٹر عیسی نے کہا کہ رسول اللہﷺ نے فرمایا جنت میں اللہ کے رحم و فضل کے بغیر کوئی داخل نہیں ہوگا، اللہ نے فرمایا مرد اور عورت میں جو بھی بھلائی کا کام کرے اس کو اجر دیا جائے گا، اللہ تعالیٰ نے فرمایا کہ میں نے تمہارے لیے دین کامل کر دیا، اللہ نے فرمایا اپنے گھر والوں کو نیکی کا حکم دو، اچھی تربیت کرو۔
بعدازاں حجاج نے مسجد نمرہ میں جمع تقدیم کرتے ہوئے ظہر اور عصر کی نماز ادا کی اور دعائیں مانگیں رواں سال 10 لاکھ افراد کو حج کی سعادت حاصل کررہے ہیں۔
