پاکستان کی پارلیمانی تاریخ میں بیک وقت ایک ہی خاندان کے سب سے زیادہ افراد منتخب اسمبلیوں میں ہونے کے باعث زرداری خاندان شریف خاندان پر بازی لے گیا۔
صدر مملکت آصف زرداری کی خالی کردہ قومی اسمبلی کی نشست پر انکی صاحبزادی آصفہ بھٹو زرداری بلامقابلہ منتخب ہوگئی ہیں۔ آصفہ بھٹو موجودہ اسمبلیوں میں منتخب ہونے والی زرداری خاندان کی ساتویں رکن ہیں۔
زرداری خاندان میں اس وقت آصف علی زرداری خود بطور صدر مملکت ہیں۔ بلاول بھٹو ، آصفہ بھٹو اور بہنوئی منور تالپور تالپور رکن قومی اسمبلی ہیں جبکہ آصف علی زرداری کی دونوں بہنیں ڈاکٹر عذرا پیچوہو اور فریال تالپور سندھ اسمبلی کی رکن ہیں۔
دوسری طرف شریف خاندان کے 4 افراد اس وقت اسمبلیوں میں موجود ہیں وزیراعظم شہباز شریف، مسلم لیگ ن کے قائد میاں محمد نواز شریف اور شہباز شریف کے بیٹے حمزہ شہباز شریف رکن قومی اسمبلی جبکہ نواز شریف کی صاحبزادی مریم نواز وزیراعلیٰ پنجاب ہیں۔
یوں خاندان کے سب سے زیادہ افراد کے ایم این اے یا ایم پی اے منتخب ہونے کے لحاظ سے صدر زرداری کا خاندان پہلے جبکہ وزیراعظم شریف خاندان دوسرے نمبر پر ہے۔
