متحدہ قومی موومنٹ (ایم کیو ایم) کے بانی الطاف حسین نے اپیل کی ہے کہ فوج سے انہیں واپسی کی دعوت دے۔ آج بھی وہ کراچی اور حیدرآباد کے سب سے مقبول لیڈر ہیں۔
برطانوی نشریاتی ادارے (بی سی بی) کو ایک انٹرویو میں بانی ایم کیوایم الطاف حسین نے کہا کہ فوج ایک حقیقت ہے جسے وہ تسلیم کرتے ہیں لیکن انکی طرح فوج بھی اس تسلیم کرے کہ الطاف حسین کی قیادت میں ایم کیوایم ایک حقیقت ہے اور فوج انہیں واپسی کی دعوت دے۔
الطاف حسین نے اپنی مقبولیت کے دعوے کے حق میں دلیل دیتے ہوئے کہا کہ کراچی کے گذشتہ ضمنی انتخابات میں ان کی بائیکاٹ کی اپیل بہت کامیاب رہی اور ووٹنگ کی شرح صرف سات سے آٹھ فیصد رہی۔
الطاف حسین نے کہا کہ انہوں نے عوام سے انتخابات کے بائیکاٹ کی اپیل کررکھی ہے اور عوام نے انکی اپیل پر انتخابات کا بائیکاٹ کرکے ثابت کردیا کہ الطاف حسین آج بھی لوگوں کے دلوں میں بستا ہے۔ عوام کی حمایت پہلے بھی الطاف حسین کو حاصل تھی اور آج بھی ہے۔ اگر ہمیں موقع دیا جائے تو ایم کیو ایم آج بھی انتخابات میں سوئپ کرے گی۔
بانی ایم کیوایم نے کہا کہ وہ آج بھی کراچی اور حیدرآباد میں سب سے مقبول رہنما ہیں اور اگر فوج کی جانب سے انھیں فری ہینڈ دیا جائے تو وہ کراچی میں سب سے زیادہ ووٹ حاصل کریں گے۔
الطاف حسین نے ایم کیوایم پاکستان سے متعلق الزام عائد کرتے ہوئے کہا کہ اسٹیبلشمنٹ نے ایم کیوایم پاکستان کو قائم کیا عوام میں ایم کیوایم پاکستان کی کوئی حیثیت نہیں ہے۔
