گورنرسندھ کامران ٹیسوری رمضان المبارک میں سرگرم ہیں اور روزانہ کی بنیاد پر مختلف مقامات کے دورے کرتے ہیں۔ کامران ٹیسوری نے گلبرگ پہنچنے پر نوجوانوں کے ساتھ کرکٹ بھی کھیلی۔
گورنرسندھ کامران ٹیسوری گزشتہ شب کراچی کے علاقے گلبرگ پہنچے تو نوجوان نائٹ کرکٹ میں مصروف تھے۔ گورنرسندھ نوجوانوں کے ساتھ گھل مل گئے۔
نوجوانوں کی حوصلہ افزائی کے لئے گلبرگ میں نائٹ کرکٹ میچ میں شرکت ،نوجوانوں کو کھیلتا دیکھ کر طالب علمی کا زمانہ یاد آگیا،اسٹریٹ کرکٹ سے کراچی کے کئی نامور کھلاڑی سامنے آئے ہیں pic.twitter.com/cvHArVxVN6
— Kamran Tessori (@KamranTessoriPk) March 30, 2023
کامران ٹیسوری نے نوجوانوں کے ساتھ کرکٹ کھیلی اور کراچی کی مشہور نائٹ اسٹریٹ کرکٹ سے محظوظ ہوئے۔ کامران ٹیسوری کا کہنا تھا کہ نوجوانوں کو کھیلتا دیکھ کر عالب علمی کا زمانہ یاد آگیا۔
انہوں نے بھی بچپن میں کراچی کی انہی سڑکوں پر خوب کرکٹ کھیلی ہے۔ گورنرسندھ کامران ٹیسوری کا کہنا تھا کہ اسٹریٹ کرکٹ سے کراچی کے کئی نامور کھلاڑی سامنے آئے ہیں۔
واضح رہے گورنرسندھ کامران ٹیسوری روزانہ کی بنیادوں پر کراچی کے مختلف مقامات پر جارہے ہیں۔ کامران ٹیسوری کا کہنا تھا کہ عوام میں جانے کا مقصد انکے مسائل سے آگاہی حاصل کرنا ہے۔
نویں سحری بھی عوام کے درمیان، عائشہ منزل کی فوڈ اسٹریٹ پر متحدہ قومی موومنٹ کے سینئر رہنما ڈاکٹر فاروق ستار بھی موجود تھے،عوام میں جانے سے ان کے مسائل سے آگاہی ملتی ہے، عوام سے ملاقات کے لئے کسی نہ کسی فوڈ اسٹریٹ پر جاتا رہوں گا۔ pic.twitter.com/2ZaiLL5wK8
— Kamran Tessori (@KamranTessoriPk) March 30, 2023
گورنرسندھ کامران ٹیسوری کے ہمراہ ایم کیوایم رہنما فاروق ستار بھی موجود تھے۔ اور انہوں نے سحری عائشہ منزل کی فوڈ اسٹریٹ پر کی۔
