-
-
کراچی کے تاریخی اور گنجان آباد علاقے لیاقت آباد میں ایک رہائشی عمارت میں آتشزدگی سے 7 افراد جھلس کر زخمی ہوگئے جس میں 3 بچے بھی شامل ہیں۔
میڈیا رپورٹس کے مطابق لیاقت آباد دس نمبر کے علاقے میں 3 منزلہ رہائشی عمارت میں اچانک آگ بھڑک اٹھی۔ آگ عمارت کے تیسرے فلور پر لگی۔
آگ کی اطلاع ملتے ہی فائر فائٹر 2 فائرٹینڈر کے ہمراہ آگ بجھانے کے لیے پہنچ گئے اور آگ بجھائی۔ فائیربریگیڈ حکام کے مطابق آگ عمارت میں شارٹ سرکٹ کے باعث لگی۔
آگ کے باعث میاں بیوی اور 3 بچوں سمیت 7 افراد جھلس کر زخمی ہوگئے،جنہیں پولیس اور علاقہ مکینوں کی مدد سے گھر سے نکال کر سول اسپتال کے برنس وارڈ منتقل کیا گیا۔
زخمیوں کی شناخت سلیم،امبرین،حفظہ،مریم،سفیان،ارم فاطمہ اور ماہ نورکے ناموں سے ہوئی ہے۔ تمام افراد کے حالت خطرے سے باہر بتائی جارہی ہے۔
