سندھ میں ملیریا، ڈینگی اور چکن گونیا کے کیسز کیوں بڑھ رہے ہیں اور احتیاطی تدابیر کیا ہیں؟

محکمہ صحت سندھ نے صوبے میں ملیریا، ڈینگی اور چکن گونیا کے بڑھتے ہوئے کیسز کی وجہ بتادی ہے۔

محکمہ صحت سندھ کا کہنا ہے کہ موسمیاتی تبدیلی ویکٹر سے پیدا ہونے والی بیماریوں کی وجہ سے ملیریا، ڈینگی اور چکن گونیا کے کیسز بڑھ رہے ہیں، مچھروں کی افزائش کے سازگار حالات نے وی بی ڈی کیسز میں اضافہ کیا۔

مزید پڑھیں:کراچی میں چکن گونیا، ڈینگی اور ملیریا کے کیسز میں اضافہ، سرکاری اسپتالوں میں یومیہ 50 سے زائد مریض آنے لگے

محکمہ صحت کا کہنا تھا کہ ملیریا کے تمام کیسز کی رجسٹریشن اور کامیاب علاج میں ڈی جی ایچ ایس سندھ کا اہم کردار ہے، حساس علاقوں میں وافر ادویات موجود ہیں اور اضلاع میں اضافی سپلائی کی تقسیم کا عمل بھی جاری ہے۔

احتیاطی تدابیر

سندھ کے محکمہ صحت کے مطابق فوگنگ، انڈور ریسیڈیول اسپرے اور صحت کی تعلیم کے ذریعے وبا کی روک تھام کی جاسکتی ہے۔

واضح رہے کہ 2024-25 کے مقابلے میں ملیریا کی منتقلی میں 19 فیصد کمی آئی ہے، وی بی ڈی کیس مینجمنٹ اور ویکٹر سرویلنس کی مہارت کو بڑھانے کے لیے اقدامات بھی کیے گئے ہیں۔

Web Desk