-
-
برطانوی پارلیمنٹ کی جانب سے پاکستانی اداکارہ ہانیہ عامر کو اسٹار آف پاکستان ایوارڈ سے نواز دیا گیا۔ اداکارہ کو ایوارڈ برطانوی پارلیمنٹ میں پیش کیا گیا۔
ہانیہ عامر کو ایوارڈ دینے کی تقریب پاکستانی نژاد رکن پارلیمنٹ افضل خان نے منعقد کی جو کہ جوبلی روم میں منعقد ہوئی۔ تقریب میں برطانیہ میں تعینات پاکستانی ہائی کمشنر سمیت دیگر ارکان پارلیمنٹ نے بھی شرکت کی۔
اداکارہ نے پریس کانفرنس کے دوران کہا کہ یہاں آنا میرے لئے اعزاز کی بات ہے، انہو ں نے کہا کہ میں بہتر سے بہتر کام کی کوششوں کو جاری رکھوں گی۔
واضح رہے کہ ہانیہ کو پنجابی اور اردو ٹیلی ویژن اور فلموں دونوں میں اپنے کام کے لیے جانا جاتا ہے۔ اداکارہ نے اپنے اداکاری کیرئیر کا آغاز 2016 کی رومانٹک کامیڈی فلم جاناں میں معاون کردار سے کیا۔
ہانیہ نے پھر 2017 میں رومانوی ڈرامہ تتلی سے ٹیلی ویژن کی شروعات کی۔ اداکارہ نے جلد ہی اپنی پرفارمنس کی وجہ سے پہچان حاصل کی اور کئی کامیاب پروجیکٹس میں اداکاری کی۔
