کراچی میں آئندہ 24 گھنٹوں کے دوران موسم کیسا رہے گا؟ محکمہ موسمیات نے پیشگوئی کردی

کراچی میں آئندہ 24 گھنٹوں کے دوران موسم خشک اور خنک رہنے کا امکان ہے۔ محکمہ موسمیات کے مطابق شہرقائد میں آج کم سے کم درجہ حرارت 13 ڈگری سینٹی گریڈ ریکارڈ کیا گیا کراچی میں آئندہ 24 گھنٹوں کے دوران کم سے کم درجۂ حرارت 12 سے 14 ڈگری سینٹی گریڈ تک متوقع ہے۔

محکمہ موسمیات نے کہا ہے کہ شہر میں زیادہ سے زیادہ درجہ حرارت 29 ڈگری سینٹی گریڈ تک جانے کا امکان ہے ، شمال مشرق سمت سے 10 کلومیٹر فی گھنٹہ کی رفتار سے ہوا چل رہی ہے۔ ہوا میں نمی کا تناسب 30 فیصد ہے۔

دوسری جانب محکمہ موسمیات نے سندھ کے بیشتر اضلاع میں موسم خشک اور سرد رہنے ، بالائی علاقوں میں مطلع جزوی ابر آلود رہنے کا امکان ظاہر کیا ہے۔

Web Desk