-
-
چیمپئنز ٹرافی کیلیے قذافی اسٹیڈیم لاہور میزبانی کے لیے پوری طرح تیار ہوگیا ہے۔ تفصیلات کے مطابق وزیر اعظم شہباز شریف کل بروز جمعہ 7 فروری کو قذافی اسٹیڈیم کا افتتاح کریں گے، نامور گلوکار علی ظفر، عارف لوہار اور آئمہ بیگ کل افتتاحی تقریب میں پرفارم کریں گے۔ تقریب میں ڈھول، آتش بازی اور لائٹس شو کا شاندار مظاہرہ کیا جائے گا، شائقین کرکٹ کےلیے داخلہ فری ہوگا۔ پاکستان اور نیوزی لینڈ کی ٹیمیں 7 فروری کی دوپہر ایل سی سی اے گراؤنڈ میں ٹریننگ کریں گی۔
صرف 117 روز کی ریکارڈ مدت میں جدید ترین سٹیڈیم تیار کیا گیا ہے، اسٹیڈیم میں زیادہ روشن ایل ای ڈی لائٹس، 2 نئی پہلے سے بڑی سکور سکرینز نصب کی گئی ہیں۔ انکلوژرز کے آگے تمام جنگلے ختم کرکے آرام دہ امپورٹڈ نشستیں بنائی گئی ہیں۔ نئے ہاسپٹلٹی باکسز، شائقین کرکٹ اور کھلاڑیوں کیلئے عالمی معیار کی سہولتیں تیار کی گئی ہیں۔
چئیرمین پی سی بی محسن نقوی نے اسٹیڈیم کی تعمیر نو میں دن رات کام کرنے پر پوری ٹیم کی تعریف کرتے ہوئے کہا کہ سب سے پہلے ورکرز کا شکریہ ادا کرتا ہوں جنہوں نے ناممکن ٹاسک کو ممکن بنایا۔ انہوں نے کہا کہ ایف ڈبلیو او، نیسپاک، کنٹریکٹر اور پی سی بی کی ٹیمز نے اسٹیڈیم کی تعمیر نو کا خواب حقیقت میں بدل دیا، محسن نقوی نے کہا کہ تنقید کے باوجود پوری ٹیم نے انتھک محنت کی اور اللہ تعالٰی نے ہمارا راستہ آسان کیا۔
