صدر ایف پی سی سی آئی کی قیادت میں 12 سال بعد پاکستانی تجارتی وفد بنگلہ دیش پہنچ گیا

35 رکنی پاکستانی تجارتی وفد 12 سال بعد فیڈریشن آف پاکستان چیمبر آف کامرس اینڈ انڈسٹری کے صدر عاطف اکرام شیخ کی قیادت میں بنگلہ دیش کے دورے پر ڈھاکہ پہنچ گیا ہے۔ بزنس کمیونٹی کے وفد میں مختلف شعبوں سے تعلق رکھنے والے برآمد کنندگان اور صنعتکار شامل ہیں، وفد اپنے دورے میں بنگلہ دیش کے چیف ایڈوائزر ڈاکٹر محمد یونس سے بھی ملاقات کریگا۔

ایف پی سی سی آئی کے مطابق ایف پی سی سی آئی کےصدر عاطف اکرام شیخ کی بنگلہ دیش کے ایڈوائز برائے تجارت شیخ بشیر الدین سے ملاقات ہوئی۔ ملاقات کے دوران دونوں ممالک کے درمیان دوطرفہ تجارت، ویزہ کے طریقہ کار کو آسان بنانے پر تبادلہ خیال کیا گیا، پاکستان اور بنگلہ دیش کے درمیان براہ راست فلائٹ آپریشن شروع کرنے اور مستقبل میں سرمایہ کاری کے امکانات سے متعلق امور پر بھی گفتگو ہوئی۔

بنگلہ دیش کے مشیر امور تجارت شیخ بشیر الدین نے کہا ہےکہ پاکستان کے ساتھ پائیدار تجارتی تعلقات بنانے کے لیے پہلے ہی اقدامات کیے جا چکے ہیں، پاکستانی تاجروں کو بنگلہ دیشی تاجروں کے ساتھ مزید بات چیت کرنے کی ضرورت ہے۔

Spread the love
جواب دیں
Related Posts