اے ٹی ایم استعمال کرنے والوں کے لیے بُری خبر، کراچی میں شہریوں کو لوٹنے والا گروہ سرگرم

کراچی میں اے ٹی ایم ہیک کرکے شہریوں کو لوٹنے والے گروہ کے سرگرم ہونے کا انکشاف ہوا ہے۔ جس میں ایک خاتون بھی شامل ہے۔ تفصیلات کے مطابق کراچی کے علاقے ناظم آباد میں ملزمان نے بزرگ شہری کے اکاؤنٹ سے ساڑھے 4 لاکھ روپے نکالے۔ بزرگ شہری سے ہونے والے فراڈ کی سی سی ٹی وی بھی سامنے آگئی۔ اسپیشل انویسٹی گیشن یونٹ نے ایک ملزم کو گرفتار کرکے دیگر کی تلاش شروع کردی۔

ایس ایس پی ایس آئی یو شعیب میمن کے مطابق ملزمان آئی ٹی کے ماہر ہیں۔ جو اے ٹی ایم ہیک کرکے بینک کے باہر موجود رہتے ہیں۔ جیسے ہی کوئی شہری مشین استعمال کرتا ہے، کارڈ پھنسنے کے باعث جعلسازی کا شکار ہوجاتا ہے۔ ملزمان کا ایک ساتھی شہری کی مدد کے بہانے اندر آتا اور ہیلپ لائن پر کال ملاکر جعلسازی سے پاس ورڈ اور دیگر تفصیلات حاصل کرلیتا ہے۔

ایس ایس پی ایس آئی یو کا کہنا تھا کہ گروہ میں خاتون بھی شامل ہے، گرفتار ملزم کے دیگر ساتھیوں کی گرفتاری کیلئے کوششیں جاری ہیں۔ پولیس حکام کا کہنا ہے کہ ملزمان نے لاہور، اسلام آباد، کراچی سمیت کئی شہروں میں وارداتیں کیں ہیں۔

حکام کے مطابق عوام اے ٹی ایم استعمال کرتے وقت اپنے اردگرد ماحول کا سختی سے مشاہدہ کریں، اپنی مالی معلومات، پن، پاس ورڈز، یوزر آئی ڈی اور او ٹی پیز کسی غیر متعلقہ شخص سے شیئر نہ کریں، کسی بھی مشکوک لنکس پر کلک کرنے سے پرہیز کریں۔ واضح رہے کہ دو روز قبل لاہور پولیس نے بھی اے ٹی ایم سے رقم نکالنے والے شہریوں کو ٹارگٹ کرنے والا ڈکیت گروہ پکڑ لیا تھا۔

Spread the love
جواب دیں
Related Posts