کراچی میں ایک اور نوجوان لڑکی کے لاپتہ ہونے کا واقعہ پیش آیا۔ شہرقائد کے علاقے لانڈھی سے 17 سالہ لڑکی لاپتہ ہوگئی۔ پولیس نے اغواء کا مقدمہ درج کرکے تحقیقات شروع کردیں۔
روزنامہ جنگ کی رپورٹ کے مطابق لانڈھی بابر مارکیٹ کے قریب سے 17 سال کی لڑکی لاپتہ ہوگئی، واقعے کا مقدمہ لانڈھی تھانے میں اغواء کی دفعات کے تحت درج کرلیا گیا ہے۔
پولیس کے مطابق واقعے کی تحقیقات جاری ہے جبکہ لڑکی کے والد کا مقدمے میں موقف ہے کہ لڑکی گھر سےکالج کا کہہ کر نکلی تھی۔ والد کی مدعیت میں درج ایف آئی آر کے مطابق 3 روز گزر گئے بچی کا کچھ معلوم نہیں ہوسکا ہے۔
پولیس کا بتانا ہے کہ لڑکی کے والدین کے مطابق لڑکی 4 فروری کی صبح 11 بجے گھر سے کالج کا کہہ کر نکلی تھی۔ لڑکی کی گھر سے جاتے ہوئے سی سی ٹی وی بھی سامنے آگئی ہے، ویڈیو میں لڑکی کو اکیلے علاقے سے گزرتے ہوئے دیکھا گیا ہے۔
