عدالت نے کراچی کے علاقے شاہ لطیف ٹاؤن میں بچے کے گٹر میں گرکر جاں بحق ہونے کا مقدمہ ڈپٹی کمشنر اور ایم ڈی اے افسران کے خلاف درج کرنے کا حکم دے دیا۔
کراچی کے علاقے شاہ لطیف ٹاؤن میں 21 مارچ 2024 کو محسن نامی بچہ گٹر میں گر کر جاں بحق ہوا تھا۔ بچے کے دادا نے مقدمے کے اندراج کی درخواست کرتے ہوئے واقعے کو انتظامیہ کی غفلت کا نتیجہ قرار دیا تھا۔ اور مقدمے میں ڈی سی ملیر، ڈی جی ایم ڈی اے اور یو سی چیئرمین کو بطور ملزمان نامزد کیا تھا۔
ایڈیشنل ڈسٹرکٹ اینڈ سیشن جج ملیر میں کیس کی سماعت ہوئی تو سیشن جج نے پولیس کو درخواست گزار کا بیان ریکارڈ کرنے کا حکم دیتے ہوئے کہا کہ اگر بیان کی روشنی میں مقدمہ بنتا ہے تو درج کیا جائے۔
عدالت نے پولیس کو حکم دیا ہے کہ ڈپٹی ڈائریکٹر ملیر ڈیولپمنٹ اتھارٹی پر مقدمہ درج کیا جائے اور یو سی شاہ لطیف کے چیئرمین، وائس چیئرمین اور سیکریٹری پر بھی مقدمہ درج کرنے دے دیا۔