پاکستان میں پہلی بار مردم شماری کیلئے ٹیکنالوجی کا استعمال کیا جائے گا اور پہلی بار ملک بھر میں ڈیجیٹل مردم شماری ہوگی جسکی تیاریاں شروع کردی گئی ہیں۔
پاکستان کے سب سے بڑے شہر کراچی میں ڈیجیٹل مردم شماری کیلئے سرکاری اساتذہ کی ٹریننگ کا آغاز کردیا ہے اس ضمن میں سرکاری اساتذہ میں ٹیبلٹ تقسیم کرنا شروع کردئے گئے ہیں۔
جیو نیوز کی رپورٹ کے مطابق اساتذہ کا کہنا ہے کہ ٹیبلٹ کے ذریعے ڈیٹا کے اندراج کی تربیت فراہم کی جارہی ہے۔ مردم شماری سے قبل مکمل ٹریننگ حاصل کریں گے۔
سرکاری اساتذہ نے بتایا کہ ٹیبلٹ میں انٹرنیٹ کی سہولت ہے، میپ سے رہائشی پتے کی لوکیشن بھی درج کی جائے گی۔ اساتذہ کا کہنا ہے کہ شہری تعاون نہیں کرتے تو ثبوت کے طور پر ان کی ریکارڈنگ ہوگی۔
