کراچی میں اسٹریٹ کرائم میں ملوث ملزمان کو آن لائن اسلحہ فراہم کرنے کا انکشاف ہوا ہے۔ سی ٹی ڈی پولیس نے آن لائن اسلحے کی فروخت میں ملوث گینگ کے 4 ملزمان کو گرفتار کرلیا۔
ایکسپریس نیوز کی رپورٹ کے مطابق محکمہ پولیس سندھ کے انسداد دہشت گردی ڈپارٹمنٹ (سی ٹی ڈی) نے خفیہ اطلاع پر کراچی میں کارروائی کی۔ سی ٹی ڈی پولیس کے اہلکاروں نے چھاپہ مار کر 3 ملزمان کو گرفتار کیا جو آن لائن اسلحہ فروخت کرتے تھے اور اسٹریٹ کرائم کیلئے بھی اسلحہ فراہم کررہے تھے۔
رپورٹ کے مطابق ملزمان اسٹریٹ کرائم کے علاوہ دیگر وارداتوں کیلئے بھی اسلحہ فراہم کرنے میں ملوث ہیں۔ گرفتار ملزمان کی شناخت غلام رسول، یوسف، گل حسن اور فرحان شامل ہیں جنکا تعلق خیبرپختونخوا سے معلوم ہوا ہے۔
ایکسپریس نیوز کے مطابق سی ٹی ڈی سندھ کے ترجمان نے بتایا ہے کہ ملزمان کی گرفتاری کے بعد خیبرپختونخوا پولیس کو آگاہ کردیاکردیا گیا ہے۔
واضح رہے کہ چند روز قبل سی ٹی ڈی نے اسلحے کی اسمگلنگ اور فروخت میں ملوث خیبرپختونخوا پولیس کے اہلکار کو بھی رنگے ہاتھوں گرفتار کیا تھا۔