محکمہ اینٹی کرپشن کی ٹیم نے میٹرک بورڈ کراچی میں کارروائی کرتے ہوئے گزشتہ امتحانات کے نتائج کا تمام ریکارڈ ضبط کرلیا اور ڈپٹی ناظم امتحانات کو تحقیقات کیلئے اینٹی کرپشن کے دفتر میں طلب کرلیا۔
میڈیا رپورٹس کے مطابق اینٹی کرپشن ٹیم نے میٹرک بورڈ کراچی کے آفس میں کارروائی کی اور ڈپٹی ناظم امتحانات کےدفتر میں ملازمین سے پوچھ گچھ کی۔
اینٹی کرپشن یونٹ کی کارروائی کے وقت چیئرمین و ناظم امتحانات آفس میں موجود نہیں تھے، بورڈ حکام سے گزشتہ سال ہونے والے امتحانات کا رکارڈ طلب کیاگیا اور ڈپٹی ناظم امتحانات کو تحقیقات کیلئے اینٹی کرپشن میں طلب کرلیا۔
اینٹی کرپشن حکام میٹرک بورڈ آفس سے ریکارڈ اوردستاویزات لے کے چلے گئے اور مزید تحقیقات کیلئے ڈپٹی ناظم امتحانات کو طلب کرلیا گیا۔
