کراچی کے علاقے قائد آباد میں محکمہ سندھ وائلڈ لائف کی ٹیم نے چھاپہ مار کر جانوروں سے مضرصحت دوائیاں بنانے والے ایک شخص کو گرفتار کرلیا۔ چھپکلیاں اور سانپ بھی برآمد کرلئے
محکمہ سندھ وائلڈ لائف کی ایک ٹیم نے قائد آباد میں کارروائی کے دوران 75 اسپائنی ٹیلڈ لزرڈز اور 4 سانپ برآمد کر لیے جو غیر قانونی شکار کے دوران پکڑے گئے تھے۔
محکمہ سندھ وائیلڈ لائیف عملے کا ایکشن
کراچی کے علاقے قائد آبادمیں ملزمان سے 75 اسپائینی ٹیلڈ لزرڈس اور 4 سانپ برآمد کرلیے
ملزمان ان جانوروں سے مضرصحت دوائیاں بنا کرفروخت کرتے تھے، محکمہ سندھ وائیلڈ لائیف
@sindhwildlife pic.twitter.com/0B8sGLUfHk— Sindh Information Department (@sindhinfodepart) August 6, 2022
سندھ وائلڈ لائف کے انسپکٹر عظیم خان، اعجاز نوندانی، لال محمد اور مدن لال نے خفیہ اطلاع پر کارروائی کی اور ایک ملزم کو بھی گرفتار کرلیا گیا۔
وائلڈ لائف حکام کے مطابق ملزمان ان جانوروں سے مضر صحت دوائیاں بنا کر جھانسے سے فروخت کرنے کے دھندے میں ملوث ہیں، کارروائی کے دوران گرفتار ملزم سے تفتیش جاری ہے۔
جاوید مہر کے مطابق کنزر ویٹر سندھ وائلڈ لائف کے عملے نے بعد اذاں 75 اسپائنی ٹیلڈ لزرڈز کو ان کے قدرتی ماحول میں لے جاکر آزاد کردیا۔
