-
-
سندھ کے صوبائی وزیر برائے پلاننگ اینڈ ڈیویلپمنٹ سید ناصر حسین شاہ کی جانب سے مانیٹرنگ اینڈ ایویلیوایشن سیل جو گزشتہ دس سال سے غیر فعال تھا اسے چیئرمین بلاول بھٹو زرداری کی ہدایت پر فعال کردیا۔
ناصرحسین شاہ کا کہنا ہے کہ جدید ٹیکنالوجی کے ذریعے سندھ میں جاری ترقیاتی منصوبوں کوآرٹیفیشل انٹیلیجنس کی مدد سے فعال کیا جائے گا جس کی تیاری مکمل کرلی گئی ہے۔ پلاننگ اینڈ ڈیولپمنٹ ڈیپارٹمنٹ کل سے سندھ بھر کے مختلف اضلاع میں سروے کا عمل شروع کرے گی۔
ناصرحسین شاہ کا کہنا ہے کہ سروے کی نگرانی سیکرٹری پلاننگ اینڈ ڈویلپمنٹ نجم احمد شاہ اور متعلقہ اداروں کے ساتھ وہ خود کریں گے۔ وقت پر کام نہ کرنے والوں کو بلیک لسٹ کیا جائے گا اور ان کی انکوائری بھی کی جائے گی۔
ناصرحسین شاہ کا کہنا ہے کہ صوبہ سندھ کی ترقی میں کسی کو رکاوٹ نہیں بننے دیا جائے گا۔ سالانہ ترقیاتی پروگرام میں موجود تمام اسکیمز کی سخت نگرانی کی جائے گی۔
