مکہ مکرمہ میں خانہ کعبہ کو غسل دینے کی تقریب کا اہتمام کیا گیا۔ غسل کی تقریب کے دوران روح پرور مناظر دیکھے گئے۔ خانہ کعبہ کو آب زم زم، عرق گلاب اور اعلٰی درجے کے عود سے غسل دیا گیا۔
غسل کعبہ کی تقریب میں سعودی ولی عہد محمد بن سلمان نے خادم حرمین شریفین شاہ سلمان کی نمائندگی کرتے ہوئے دیگر معززین کے ہمراہ حصہ لیا اورخانہ کعبہ کوغسل دینے کی سعادت حاصل کی۔
Video: His Royal Highness The Crown Prince and the Imams of Masjid Al Haram performed voluntary prayers inside the Ka’bah and participated in the Annual Ghusl e Ka’bah Ceremony last night
pic.twitter.com/pLiNjBTb0k— Haramain Sharifain (@hsharifain) August 16, 2022
روح کو تازہ کر دینے والی اس تقریب سے تصویریں اور ویڈیوز سعودی سوشل میڈیا حرمین شریفین کی جانب سے شیئر کی گئی ہیں۔ سعودی ولی عہد محمد بن سلمان نے خانہ کعبہ کے اندرونی حصہ میں نماز بھی ادا کی۔
غسل کعبہ کی اس رسمی تقریب میں 45 لیٹر آبِ زم زم، عرق گلاب اور اعلیٰ درجے کا عود، کھجور کے پتے اور تولیے استعمال کیے گئے۔
— Haramain Sharifain (@hsharifain) August 16, 2022
تقریب میں خانہ کعبہ کی اندرونی دیواروں کو عرق گلاب، عود اورمشک میں تر تولیوں سے صاف کیا گیا، خانہ کعبہ کے فرش کو آب زم زم میں عرق گلاب ملا کر کھجور کے پتوں اورہاتھوں سے صاف کیا گیا۔
غسل کعبہ سے قبل مطاف کو زائرین سے خالی کرا لیا گیا تھا، غسل کعبہ کی تقریب 13 اگست کو منعقد ہونا تھی جسے ملتوی کردیا گیا تھا۔
