پاکستان تحریک انصاف نے یوم آزادی 14 اگست کے موقع پر وفاقی دارالحکومت اسلام آباد میں بڑا پاور شو کا اعلان کردیا ہے۔ پی ٹی آئی کی جانب سے سوشل میڈیا پیغام کے ذریعے جلسے کی تصدیق کردی گئی۔
میڈیا رپورٹس کے مطابق چیئرمین پی ٹی آئی عمران خان کی زیر صدارت ہونے والے سیاسی کمیٹی کے اجلاس میں جلسے کی حتمی تاریخ کا تعین کیا گیا ہے جس کا باقاعدہ اعلان بھی کردیا گیا ہے۔
پی ٹی آئی کی سیاسی کمیٹی اجلاس میں 14 اگست کو اسلام آباد میں جلسہ کرنے کا فیصلہ- pic.twitter.com/UJSnnIeh9t
— PTI (@PTIofficial) August 6, 2022
اجلاس میں نئے انتخابات کے لیے صوبائی اسمبلیوں کی تحلیل کے حوالے سے بھی غور وخوض کیا گیا ۔ تحریک انصاف کی جانب جلسے میں ہی آئندہ کے لائحہ عمل کا اعلان کیا جائے گا۔
جلسے کے حوالے سے مرکزی قیادت سمیت دیگر ذمہ داران کو بھرپور تیاریوں کی ہدایت جاری کر دی گئی ہے۔ ممکنہ طور پر تحریک انصاف کی جانب سے پریڈ گراؤنڈ میں جلسہ کیا جائے گا۔
میڈیا رپورٹس کے مطابق اس جلسے میں شرکت کرنے کیلیے پنجاب، کے پی سمیت گلگت بلتستان، آزاد کشمیر اور دیگر علاقوں سے قافلے اسلام آباد کا رخ کرینگے۔ چیئرمین پی ٹی آئی عمران خان اس پاور شو کے ذریعے حکومت کو اسمبلیوں کی تحلیل کیلیے واضح پیغام دیں گے۔ ۔
