فٹبال ورلڈکپ میں گزشتہ روز کھیلے گئے میچز میں ایک اور بڑا اپ سیٹ ہوا۔ رینکنگ میں 22ویں نمبر پر موجود مراکش نے عالمی نمبر 2 بیلجیئم کو صفر کے مقابلے میں 2 گول سے شکست دی۔
مراکش کے کھلاڑیوں نے جیت کے بعد گراؤنڈ میں بھرپور جشن منایا۔ مراکش ٹیم کے پلیئرز یادگار اور تاریخی فتح پر سجدہ ریز ہوگئے اور کامیابی پر اللہ کا شکر ادا کیا۔
مراکش کے ایک فٹبالر اشرف حکیمی نے بیلجیئم کے خلاف جیت کا جشن بھی یادگار انداز میں منایا۔ اشرف حکیمی کامیابی کے بعد اسٹیڈیم میں موجود تماشائیوں میں پہنچ گئے۔
Never forget the hands
that raised you💚who never want to see you cry..#achrafhakimi#QatarWorldCup2022 #Qatar2022#Maroko pic.twitter.com/9y35mrSOhI
— Voice To Humanity (@vo1cetohumanity) November 28, 2022
مراکشی فٹبالر اشرف حکیمی نے اسٹیڈیم میں تماشائیوں میں موجود اپنی ماں کے پاس جاکر انکا ماتھا چوما اور انکی دعائیں لیں۔ اشرف حکیمی کی والدہ نے اپنے بیٹے کی گال پر بوسہ دیا اور جیت پر مبارکباد دینے کے ساتھ نیک تمناؤں کا اظہار کیا۔
اشرف حکیمی نے اپنی ماں کو میچ کے دوران پہنی گئی اپنی شرٹ بھی دے دی۔ مراکشی فٹبالر کی اپنی والدہ کیلئے اس محبت اور تعظیم کی ویڈیو سوشل میڈیا پر وائرل ہوگئی اور دنیا بھر میں انکے اس طرز عمل کو سراہا جارہا ہے۔
