ایف بی آر نے ٹیکس ادا نہ کرنے والے 5 لاکھ سے زائد افراد کی موبائل سمز بند کرنے کیلئے آرڈر جاری کردیا

فیڈرل بورڈ آف ریونیو (ایف بی آر) نے 5 لاکھ 6 ہزار سے زائد نان فائلرز افراد کی موبائل سمز بند کرنے کیلئے انکم ٹیکس جنرل آرڈر جاری کر دیا۔

میڈیا رپورٹس کے مطابق ترجمان ایف بی آر کا کہنا ہے کہ ادارہ نے 5 لاکھ 6 ہزار سے زائد افراد کی موبائل فون سمز بند کرنے کیلئے نشاندہی کرلی، 5 لاکھ 6 ہزار سے زائد افراد کی آمدن انکم ٹیکس ریٹرن فائل کرنے کے قابل ہے۔

انکم ٹیکس جنرل آرڈر کے مطابق انکم ٹیکس ریٹرن فائل کرنے کے قابل ہونے کے باوجود یہ افراد ریٹرن فائل نہیں کر رہے، یہ افراد ایف بی آر ایکٹو ٹیکس پیئر لسٹ میں شامل نہیں ہیں۔

ایف بی آر کے مطابق انکم ٹیکس ریٹرن فائل نہ کرنے والوں کے موبائل فون کنکشنز کسی بھی وقت بند کئے جاسکتے ہیں، ایف بی آر نے بند کنکشنز کی پی ٹی اے سے 15 مئی تک رپورٹ طلب کر لی ہے۔

Spread the love
جواب دیں
Related Posts