ایشین کرکٹ کونسل کا اہم اجلاس اتوار کو دبئی میں ہوگا۔ پاکستان کرکٹ بورڈ کی مینجمنٹ کمیٹی کے چیئرمین ذکاء اشرف اجلاس میں شرکت کریں گے۔
میڈیا رپورٹس کے مطابق ایشین کرکٹ کونسل کا اجلاس ہنگامی طور پر طلب نہیں کیا گیا بلکہ یہ طے شدہ پروگرام کا حصہ ہے جس میں ایشیا کپ کے میچز کی تاریخوں کو حمتی شکل دی جائے گی۔
واضح رہے کہ ایشیا کپ پی سی بی کی جانب سے پیش کردہ ہائبرڈ ماڈل کے تحت ہونا ہے جس کے ابتدائی 4 میچز پاکستان میں جبکہ باقی 9 میچز سری لنکا میں ہوں گے۔ ایشیا کپ 31 اگست سے 17 ستمبر تک کھیلا جائے گا۔
پاکستان میں میچز لاہور میں جبکہ سری لنکا میں میچز دمبولا اور پالیکلے میں کرائے جانے کا امکان ہے۔ ایشیا کپ میں پاک بھارت میچ بھی دمبولا میں ہونے کا امکان ہے۔
